|
Hüt am morge het den euis es Breakfast erwarted... und de Tref het euis
gseit, me sölled Medicine neh gege Seasickness... ich ha nix debi gha... schöne
Tschägi... aber er het mer den vo sine Pille geh... und ich cha num sege "Thanks
Traver!!!", hehe will das Schiff wo euis zum Great Barrier Reef bracht het, isch
uf de Welle recht umegschwankt... Ich has au extrem kul gfunde, wo den na die
Frau nebe mir agfange het chörble... mann! Zum Glück i so Säckli, wod döt
hesch übercho, wens der schlecht worde isch...
Me sind mit em Schiff zu de nächst Insle vom Barrier Reef gfahre: Lady
Musgrave Island. Bevor mer aber uf d'Insle sind, hemmer s'Reef chöne go 'explore'. Entweder
hesch chöne go Scuba-Dive oder go schnorchle... ich bi go schnorchle... das
isch genial gsi! Verschiede farbigi Fisch sind so i Schwärm direkt vor
dinere Nase umegschwumme und Koralle und Seegurke und chliini Roche... ich ha
g'fötelet und g'fötelet... hehe
Dän simmer mit eme "glassbottomed Boat" uf d'Insle. Döt hemmer e Tour
gmacht und hend nach Schildkröte-Nester gsuecht und nach chliine
Turtles... aber me hend nume läri Nester und offni Eierschalereste
gfunde... aber oft au so herzigi Abdrück vo chline Schildkrötlis, wo is
Wasser g'chroche sind. Mengisch au recht grossi Abdrück vo de Mamis... hehe
Die Frau, wo euis uf de Insle umegfüehrt het, het Seesterne und Seegurke us
em Wasser gna, zum demonstriere und me hends dörfe alange... die Seegurke isch
recht glitschig und weich... usserdem het si euis na ufgklärt, dass es besser
wär, nüt eifach so azlange während em Schnorchle, wils im reef drü bis vier Tierarte
git, wo so giftig sind, dass mer nach de Berüehrig innerhalb vo zwei bis drü Minute tot
isch!
Guet, beruhigt und ohni jegliche Bedenke (hehehahahihi!!!) bin ich den is Meer
na bits döt go Schnorchle... wil ich uunbedingt na ha wele Turtles gseh und
die Tour Guide Frau das gmerkt het, het si ihrem Kolleg gseit, er söll mi
wiiter use fahre mit em motorbötli... und tatsächli!! Ich ha Riiseturtles
gseh! Die sind sooooo kul! Hesch eifach mega nöch chöne here ga und das
het die voll nöd gstresst... leider han ich de gsammti Film vo minere
Underwasserkammera scho verschosse gha und ha drum ke Underwasserfoti vo de
Turtles chöne mache... mann, das het mi echt gnervt...
Aber schlussendli hani uf em Glassbottom-Boat föteli chöne mache vo
schildkrötene...
Uf de Rückfahrt mit em Schiff ischs Genialste na cho!! Me hend en riise
Manta-Roche gseh! Das isch so schön gsi zuezluege, wie das Tier im Wasser
schwebt... und ad Wasseroberflächi chunt... isch mega mystisch gsi... irgendwie...
De Abig het sich nöd gross vom Friitig abig underschiede... Barbeque und bis
spaat id Nacht zämesitze und so... s'Kulschte sind eifach d'Moscitos gsi... pff
nei natürlich voll nöd!! Mann, ha über d'Nacht i de lange jaens
pennt... sooo heiss gsi!!
|