|
Hüt Abig het en Schuelkolleg es Esse ime Schwizer Restaurant
organisiert... die hend Fondue wele esse... leck das isch mer eifach bits z'warm
gsi, um nume Chäs i mich ine z'stopfe... Ich ha aber glich wele probiere und
muess halt sege... nnneee... das isch ke Schwiizer-Chäs gsi... hehe, egal... ich ha ja es
anders 'Meal' gno! Aber s'Resti isch mega herzig gsi... so mit Bildli vo de
Schwiiz mit Chueglogge und so...
Nach em Esse hemmer müesse de Zug zrugg is Stadtzentrum neh und ich ha
versuecht min letschte Bus z'verwütsche zu mir hei... tja... raatet mal... jep,
de isch vor minere Nase devogfahre... Shit! ...hani nume denkt. Ich ha au z'wenig
Geld für es Taxi gha... het schier mim Hostvater telefoniert... aber ha den mit eme
Busfahrer gredet, öb er wüssi, öbs na en andere Bus het. Er isch nid sicher
gsi und het mir vorgschlage mich bis döt here mitzneh, wo er herefahrt, wil
das ebe wenigstens e bits nöcher zu mim Ort gsi wär... ich ha de aber gseit
das seg immer na recht wiit weg vo mir dihei... ich ha eifach nid wele i de
Nacht döt dure laufe... und de het er entschiede mich bis zu minere
Bushaltestell z'fahre, nachdem er de letscht Fahrgast abgsetzt het... das hani
uuuuuuuunnnnnnnngggglaublich nett gfunde! Ich mein i de Schwiitz het das
glaub kein Busfahrer gmacht...?!
|