|
Hüt han ich mit zwei Kolleginne und zwei
Kollege vo de Schuel en Usflug mit em Auto aträte... Mer hend eus es Auto
g'mietet und wil mer morn ke Schuel hend weg em Australian Day, hemmer
gad na beschlosse e Brugg z'mache und am Fritig d'Schuel z'skippe... hehe... das
kenned die da nämli nöd... e Brug mache, wenn mer am Dunschtig en Fiirtag
het... tss... Ozzies... hehe, so.
Aschlüssend, nach dem mer mit de ganze Klass am Abig go thibetisch
esse sind, hemmer eus uf de Weg nach Noosa g'macht. Me sind um Mitternacht acho...
und den eigentli gad in Usgang... aber döt hanis ehrli gseit
nid so läss gfunde... isch irgendwie nöd so vil los gsi. Nachher simmer ines
Backpacker gange. Döt het den jede vo eus ime
andere Zimmer mit anderne Lüt müesse übernachte... was ja easy gsi
wär... aber eini, wo mit eus greist isch, wo ersch füfzani isch und ich... mir hettet grad je imene
Zimmer, wo nur na Type gsi sind, müesä schlafe! Das isch eus nid so ghür gsi und drum han
ich dän mit ihre i eim Bett pennt, damit mer nid so älei gsi sind...
Tja, aso mini Kollege hend so oder so im Auto pennt... leck die müends ja au
recht gmüetlich gha ha... pff... naja, dene ihres Pech... hehe.
|