|
Hüt abig bini mit de Schuelklass go Indisch esse. Mini
Hauptlehrerin d'Libby organisiert jedi zweit Wuche es Esse imene Resti mit Food
vomene andere Land... d'Libby isch mer am Afang recht unsympatisch gsi, doch
jetzt nach nöcherem Kennelerne hani müesse mis Bild revidiere... hehe, aso ich
find sie jetzt meeega zwäg, will sie e Powerfrau isch und extrem witzig! Sie
verzellt mega bildlich und mengisch hani fasch Träne glachet!
Öhm... aber jetzt zrugg zum Indisch esse... hehe...
Es isch uuuuu fein gsi. Ah ja... aber bis ich im Restaurant acho bi... hehe...
dummerwiis bini a di falsch Bushaltestell vo mir dihei und ha g'wartet und
g'wartet... bisi den tschägt ha, das ich wrong bin!! Denn hani gad namal
chöne warte, wili ersch e stund spöter en bus gha ha... hehe... typisch ich...
egal...
Nach em feine Esse bini denn mit es paarne wiiter gange. Mit em Taxi zur
Club-Bar "Friday's". Das isch bime Hotel imene höchere Stockwerk. Isch na
kul gsi. Es het e Terasse mit Tisch dusse und Stüel und me gseht uf de
Brisbane River und die belüchtet Stadt... ich bi nid lang blibe... ha gwüsst,
dass ich am Sa am zwei muess ufstah... will min Hostvater en Usflug plant het...!
|